Haberá antidisturbios para evitar incidentes no Pontevedra-Alcalá « PEÑA SAN BREIXO . .

A Policía Nacional comunicou ao Pontevedra Club de Fútbol que porá en marcha un dispositivo especial de seguridade con presenza de antidisturbios no encontro que o vindeiro domingo enfrontará en Pasarón a Pontevedra e Alcalá, correspondente á trixésima quinta xornada ligueira no grupo 1 de Segunda B.

A medida, da que informou onte o club a través dun comunicado oficial, vén motivada polos incidentes ocorridos ao termo do último encontro do Pontevedra en casa, ante o Conquense, no que se resgistraron enfrontamentos entre xogadores do primeiro equipo e afeccionados do club granate. Deste xeito, preténdese previr sucesos de maior gravidade.

A nota emitida polo Pontevedra Club de Fútbol subliña a advertencia da Policía Nacional de que «calquera comportamento de afeccionados que altere a orde será denunciado ao comité antiviolencia», así como as «importantes contías» das multas.

42.525000 -8.647222